(¯°•»حشاشـة العراق الجديد «•°¯)

(¯°•»حشاشـة العراق الجديد «•°¯)



 
الرئيسيةاليوميةس .و .جبحـثالأعضاءالمجموعاتالتسجيلدخول
السلام عليكم ورحمة الله وبركاته . يسر ادارة منتدى حشاشة العراق الجديد ان تدعوكم للانضمام الى اسرتنا المتواضعه لرفع مستوى هذا المنتدى وسنكون سعيدين بانضمامكم الينا . اهلا وسهلا بكم مره اخرى

شاطر | 
 

 اكبر مكتبة دارميات

اذهب الى الأسفل 
كاتب الموضوعرسالة
كنوشه
حشاش عنده انجازات
حشاش عنده انجازات
avatar

علم دولتك : عراقي
انثى
الابراج : الاسد
عدد المساهمات : 1325
تاريخ الميلاد : 22/08/1988
تاريخ التسجيل : 16/09/2009
العمر : 29
العمل/الترفيه العمل/الترفيه : sport
المزاج المزاج : no too bad

مُساهمةموضوع: اكبر مكتبة دارميات   الأربعاء سبتمبر 23, 2009 5:04 pm

هم تدري بيه شصار من رحت عني *** اتوجة على الحيطان مشلولة جني

هم تدري بيه شصار من رحت عني *** طفلة بعمر سنتين تبجي على وني

اسمر وسيع العين يكتل سمارة *** بس رمشة يسوة الكوت واهل العمارة

شكرة واخبل حيل وعيوني جتال *** الفائدة بس وين مو اني الأبالة

سلمت ما رديت شنهو انته زعلان ***عوف المحبه تهون يابه احنه جيران

هم مطر هم غيوم هم اضلم البيت * كل هذا يالمحبوب وهم انت ماجيت

بيت البنيته وياك واعكاده الاضلوع * ميخر وحك عيناك لو تمطر اسبوع

هم دمع هم ونين هم ظلمة الدروب ***وهم حالي مثل ايتيم ما عنده محبوب

ارجع يبعـــــد الــــروح يا بعــــــد العيون تــــــــدري ابغيابك صــــار دلالي مجنون

انه ادري مـــــن فركاي دلالك انصــــاب واعرف شحيحه افراح عل فــاكد احباب

ليش اليحب يا صاح يحسب بالنجوم ولطلعت الميزان ميشوف ابـــد نوم

هذا اليحب يا صاح مو بيده يسهر من يـــذكر المحبوب نومه ايتبخر

جرح الغرب يا صاح شيطيبه كلي تايهه صرت بناس وانــــي الأدلي

جرحك يطيب اليوم لو يمك اهلك ترجع تدلـــــي ابليل كلمن يسألك

فر الوكت يا صاح بيه انكلب حيل وانه الأسابك ريح ومسمه الكحيل


الوكت لــــــو فر بيك لطخ أبد راس ضل اعله طبعك دوم دايس متنداس

كل اليگول انساك گله انته مجنون أذكر نسيتك يوم ما ظلن عيون

اقفلت باب الروح من شوگ الاحباب وچيه همه بيهه سنين ما فادت الباب

بعيوني لو ما شوف شكلك يمفتون صدگني بالتيزاب اعميهه العيون

بالعكس تمشي وياي دنية عجايب المن چفي شربو ماي صارو عگارب

الذهب يصفه تراب والأبيض اسود بيدي امنلزمه يصير الله والاحد

والكعبه والعباس والخالق الكون ما أنسه حبك يوم لمن يدفنون

ياخويه والعباس ما خنتك اني البشر خان اوياي هوه وزماني

اتمنة حبك ماي واغرك مثل جاك وبحجت الغركان اتحاضن اوياك

حطني بضرف ياشوك وارسلني ليهم***مثل الرسالة صير روحي بديهم

صح ربع عندي اهواي وصح ما املهم **بس انت افكر بيك يعني انت كلهم

حبك سهم مزفوف لجروحي زفه *** بدم الجرح مصبوغ ومحنه جفه

لجروحي اريد ضماد سويلي جاره *** مليت انه الشلات وجوي الجكاره

موبيدي احبه غصب مجبور احب جتال *** خنجره بخصري نبت ويكلي كيف الحال

بالمدرسة اتعلمت اكتب شعر واسفار *** ومن بعد عين الولف صرت اكتب اخبار

يكولون كلهن سوه كلت البنات اشكال بيهن تريح الكلب وبيهن تشل الحال

عيد اليمر عالناس كلهة استراحت *** بس انة انوح عليك وعيوني راحت

لاتهتم على الراح وي همك الراح *** والعالي مو بالطول بالصبر ينلاح

بكلبي احط سجين وبيدي اجوي *** فنة اليكول انساك نصين اسوي

ثاري الكلب بالشوف اقوى من العيون *** يعني التضيعة العين بالكلب مدفون

موقع عراق شلون تردون اعوفه *** تعمه العيون سنين بس ما اشوفه

حتى أمن أموت اهواه واطلب وداين *** بالجنه لو بالنار هم ارد اعاين

تدري انته مثل الماي بالنسبة اليه *** تكتلني لو لحظات تزعل عليه

غربة ودمع همال فايض بأدينة **** مشتاكة للطيبين روحي الحنينة

بكلبي اجر اسلاك بس كون اتصل بيك *** فدوى الرصيد ايروح بس كون احاجيك

كل مر جرعته يهون بس مر الفراگ ... أشهگ بشهگه موت من گلبي يشتاك

مثل السمج علگاع خلتني دنياي *** لا مشوي لا مطبوخ لا واصل الماي

حبك يبعد الروح غير كياني *** اشرب عرگ بجفاك حسبالي راني

حبك يآبعد آلروح حيرـرني حيرة...آشرب نفط بـ كلآص حسبآلي بيرة

مايهز گلبه الشوگ ! شوما يجيني ؟*** يمجن طلع بذات لوگلبه صيني

تدري آني شعري سهام لو صوبيتك *** من كلبي هذا أحساس تفهمني ريتك

أعرف أسرارك زيــن وعرف سهامك ... طيبة ومحبة البيك موضع كلامك

يم بيتي ريتك كون واشمرلك العين *** تشبعلي منك شوف وتردلي بعدين

أشمرلك العينين لو يمي بيتك *** وانتحر ست مرات لو ما لكيتك

هاك اخذ كل اعضاي صفطهة بيدك *** واحسبني دم محروم يمشي بوريدك

خليني فدوة وياك للموت اريدك *** صدكني روحي تروح من الزم ايدك

اجرحني انته وشوف عاين عليه *** ما يمشي دم بحشاي تمشي انت بيه

مومن مرض ونيت من كثر لفراك *** صدكني كلبي عليك كل لحظه يشتاك

مومن مرض ونيت من كثر لهموم *** صدكني كلبي عليك كل ساعه ملجوم

شماتي مو شمات شماتي اشرار ... بالكبر ويكولون ياربي بنار




انته الرمش والعين والفص والجفون***والينسه شخصك يوم ريته بعمه عيون

بعدك ولني ايام ذلة ومهانة *** صح امشي فوك الكاع بس ميت انة

عكرب عرفت البيه واسمومه الوان *** مامش وفى ياناس محبوبي خوان

صح ماتصح اخوان يوم اليصح ضيج *** بس انت ماي اصير من ينشف الريج

شماتي مو شمات شماتي شرطة *** بالكبر ويكولون طلعه ارد اكرطة

همي أعلة هم فركاك أسهر ليالي ... لو أنت مرة وياي تبجي أعلة حالي




أنحـب وهل دمعات مخبوطة بدماي ... وأصرخ وحشم الناس رجعولي أهواي

لا تنحب أنت هواي ولا تذرف دموع ... لو أدري أرد أزحوف أرجعلك أرجوع

شماتي مو شمات شماتي شمات..... بالكبر ويكولون حي بعده لو مات

تردف يكلبي شبيك بليسرة كارص *** هو أنت عودن لك للعهد حارص

العهد من مامش اله زين الزجية *** حتى الكلب دورات ينسة البلية

نكرو علية عهود جت آتمنهم *** وسفة أحبسلهم كيض مستاهلنهم

كف لا تعذب الروح يل عنها مبعد واتمنه لحضه اوياك يلغالي اكعد

لعيونك الحلوات بس اكتب اشعار وحته الكلب مرات من عدهن يغار

ارد انشد اهل الشوك عن حالتي وياك لا اكدر بلياك لا اكدر انساك

مو بالكلب والروح بالدم اخليك***خاطر تمر بعظاي واشعر واحس بيك

شفت الضوة من بعيد كلت احتركنة *** لمن وصلت البيت لن ولفي عدنة

متروسه روحي هموم محد حملها *** مدري من اشوفك ليش انساها كلها

تدري اشوكت هلروح من حبك اتوب *** من تسمع الشيطان غفروله لذنوب

موبيدي ادري الروح سلمت امرهة *** حاير شسوي اشلون ولحب دمرهة

صبح غصن مبيوك ولشجره تبجي *** شنحلف العصفور لو ردنه نحجي

الشجره بيهة الصوج شغلتهة هيته *** والذنب بلعصفور ما حامي بيته

مو بيدي حتى انساك ولا هي بيدك *** الامر بيد الروح هي التريدك

من راسك الرجليك شي احلى من شي *** تنكلب جنه الكاع من بيهه تمشي

جاهل سطه اعل الروح..غفله او سكنها وينـك يملـــچ المـــــوت..خلـّصني منها

عونه السطه اعل الروح..ولفه وسكنها ابعــد يملـــچ المــــــــوت..واتنحه عنها

يامه شكثر حسبات احجيهه وتهون *** بس حسبتك يهواي طاحت بلعيون

حبك سهم مزفوف لجــــــــــروحي زفه ** بدم الجرح مصبوغ ومحنه جـــــــــــفه

اهلا وسهلا بيك هو الكلب صاح *** ولوما تلزمة ضلوع جا فرفح وطاح

يرجع عراق الخير ندعيله كلنه *** ونجتمع كلنا هناك شيعة ويا سنة

يرجع عراق الخير ندعيله كلنه *** ونجتمع كلنا هناك شيعة ويا سنة

لو ترضه هاي شفاك يغفن عله شفاي *** يمكن شهر تموز ما اشرب الماي

تدري انته لو زعلان شتسوي بيه *** انه ودليلي وياك نزعل عليه

كثرن يروحي عليك لو ردت اعدهن *** من حكَي لو داعيت جي ماتردهن




كلشي التريده انطيت خل تسمع الناس *** حته الكلب وياك شغلته علاس

بيضه وتعبت عليك حد ما صرت طير *** وعلمتك المطيار وتحط عله الغير




خليك يم الكلب وخلي الكلب جارك *** وشما دار بيك الوكت لاتكطع اخبارك

سهله الكسر بلروح تندل مكانه *** بس جرحي وين يصير مااعرف انه

حتى القتل بالناس صارت ميانة *** ذبح وتفخخ صار جا وين الديانة


عادي الذبح بالناس خليها سكته *** كلمة قتل ياناس سووها نكتة


ملينا من هالحال رحمونا ياناس *** اخوك اللي تأمن بيه يشتغل علاس


هذا عراق الخير شوفو الجرالة *** هم ينام الليل ومرتاح بالة


ما اظن والله ينام وجروحه كومه *** ومو بيدي واتعناه بيد الحكومة

خاين واخون الزاد يل خنته كبلي *** ابقه الاسد للدوم بس انته شبلي

________________________________________________________________________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
s7r.al3yoon
حشاش شغله مرتب
حشاش شغله مرتب
avatar

علم دولتك : عراقي
ذكر
الابراج : الجوزاء
عدد المساهمات : 853
تاريخ الميلاد : 01/06/1979
تاريخ التسجيل : 11/09/2009
العمر : 39
الموقع : (¯°•»حشاشـة العراق الجديد «•°¯)
العمل/الترفيه العمل/الترفيه : كافي نت
المزاج المزاج : جيد جدا"

مُساهمةموضوع: رد: اكبر مكتبة دارميات   السبت سبتمبر 26, 2009 10:04 am

رووووووووووعه × رووووووووعه
يسلموووووووووووووووووووووو

________________________________________________________________________________
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كنوشه
حشاش عنده انجازات
حشاش عنده انجازات
avatar

علم دولتك : عراقي
انثى
الابراج : الاسد
عدد المساهمات : 1325
تاريخ الميلاد : 22/08/1988
تاريخ التسجيل : 16/09/2009
العمر : 29
العمل/الترفيه العمل/الترفيه : sport
المزاج المزاج : no too bad

مُساهمةموضوع: رد: اكبر مكتبة دارميات   السبت سبتمبر 26, 2009 5:46 pm

يسلموووووووووووووو فوفو ع المرور

________________________________________________________________________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اكبر مكتبة دارميات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(¯°•»حشاشـة العراق الجديد «•°¯) :: (¯`'•.¸§(¯`'.•'´¯)§ ¸.•'´¯)( قسم القصائد والرويات القصيره )(¯`'•.¸§(¯`'.•'´¯)§ ¸.•'´¯) :: القصائد العراقيه المقروئه-
انتقل الى: